GUÍA DE ESTUDOS SUPERIORES DE GALICIA 2024

Este ano a UDC e a Voz de Galicia edita unha nova guía, a correspondente ao 2024. Neste documento atoparedes información sobre titulacións, o acceso, a admisión, matrícula, bolsas e vida universitaria de Galicia, ponderacións entre outras  cousas.Tamén da FP, dos másteres da FP, e das ensinanzas de réxime especial como deportes, deseño, e outras.

I XORNADAS PRESENCIAIS DE PORTAS ABERTAS NO CAMPUS DE FERROL

O Campus Industrial e o Servizo de Estudantes da Universidade da Coruña organizan, o vindeiro venres 22 de abril de 2022, a I Xornada de Portas Abertas do Campus Industrial de Ferrol (modalidade presencial). Hai dúas quendas, unha pola mañá para visitas organizadas por institutos e outra pola tarde para o público en xeral, nos non podemos levarvos polo que si estades interesadas/os teredes que ir pola vosa conta. Tedes que escoller un itinerario e formalizar a vosa inscrición, seguide lendo si vos interesa.

XORNADAS VIRTUAIS DE PORTAS ABERTAS UDC 2022

Este ano a universidade de A Coruña organiza unhas xornadas virtuais para achegar
información de utilidade sobre os graos que se ofertan na UDC.Estas xornadas terán lugar os vindeiros mércores 30 e xoves 31 de marzo, en horario de 16:00h a 20:00h

As Xornadas comezarán coa charla en directo sobre as ABAU - PREINSCRICIÓN do prof. Pedro Armas, Delegado da UDC ante a  CIUG, nas que expoñerá o calendario e novidades para o 2022.

GRAVACIÓN VIDEOCONFERENCIA SOBRE ADE NA UNIVERSIDADE DE CORUÑA

Déixovos o enlace para acceder a esta gravación e a un video sobre a Facultade de Economía e Empresa. Poderás consultar materiais adicionais como os estudos, acceso, admisión e orientación, e tamén un enlace a ollada dos estudantes, así como infografía sobre graos que se imparten nesta Facultade.

OFERTA ACADÉMICA NA UDC

A universidade de Coruña oferta tres titulacións novas: 

• Grao en Nanociencia e Nanotecnoloxía, que se impartirá na Facultade de Ciencias-Campus A Coruña
• Grao Aberto en Ciencias Sociais e Xurídicas, que e impartirá na Facultade de Economía e Empresa-Campus A Coruña
• Grao Aberto en Enxeñaría Industrial, que se impartirá na EU Politécnica-Campus Ferrol

A outra novidade para o curso 2020/2021 é que o Grao en Turismo non terá custos adicionais, pasando a ser o importe da matrícula o establecido de xeito xeral para as titulacións da súa rama de coñecemento, e impartirase nas instalacións da Facultade de Filoloxía-Campus A Coruña 

Consulta todas as titulacións ofertadas na UDC.

XORNADAS DE PORTAS ABERTAS VIRTUAIS NA UDC

A Universidade da Coruña organiza unhas Xornadas de Portas Abertas. Nesta ocasión, a COVID-19 obríga a facelo de forma virtual mais iso non será impedimento para ensinarche a UDC con todo o noso agarimo. 
Achégate!

VISITA A UDC 2019

O xoves 28 de marzo visitamos a universidade de Coruña co alumnado de 1º deBacharelato e 4ºESO. A saída prolongouse toda a mañá xa que nos desplazaron por Riazor, Elviña e Oza. O alumnado previamente tivo que escoller un dos catro itinerarios nos que se agrupan as facultades e graos para visitar: o itinerario das enxeñarías e arquitectura, as artes e humanidades, as ciencias sociais e xurídicas e o itinerario das ciencias e ciencias da saúde.