LUGAR DE CELEBRACIÓN DA PROBA DE ACCESO A FP DE GRAO MEDIO

Xa están publicados os lugares, si presentaches a túa solicitude no IES Afonso X O Sabio, terás que acudir ao IES
Laboral, no día e hora indicada.

DELF ESCOLAR 2021

Son diplomas oficiais de lingua francesa, recoñecidos internacionalmente por 174 países, de validez indefinida, que podes obter presentándote e superando unhas probas de nivel que poden ser A2, B1 e B2 do Marco Común Europeo de Referencia para as Linguas (MCERL). Accede á convocatoria.

As certificacións DELF favorecen a mobilidade estudantil internacional ao certificar o coñecemento en lingua francesa.

Poderás matricularte desde o 3 de febreiro ao 26 do mesmo mes.

CALENDARIO PROBAS DE ACCESO Á FP 2020

Debido á situación provocada pola pandemia causada polo Covid-19 resulta necesario aprazar a realización da proba de acceso a ciclos formativos de grao superior de formación profesional prevista para o día 23 de abril. 

Déixovos un enlace ao calendario publicado no portal educativo da xunta, no que se especifica que a proba de acceso a grao superior está aprazada, e a de grao medio está prevista para o 28 de maio. 

PROBAS PARA SACAR O TÍTULO DE GRADUADO POR LIBRE 2019

Xa está aberto o plazo para inscribirse a unha proba para sacar o graduado en educación secundaria obrigatoria. Anualmente convocarase polo menos dúas probas para que as persoas maiores de dezaoito anos poidan obter directamente o título de graduado en educación secundaria obrigatoria. Publicouse no DOG 24/01/2019 

CERTIFICACIÓNS ESCOLA OFICIAL DE IDIOMAS POR LIBRE

A Escola Oficial de Idiomas (EOI) abre do 20 de marzo ao 6 de abril o prazo de matrícula libre. Se tes 16 anos cumplidos podes aproveitar os teus coñecementos adquiridos no IES para presentarte a un exame no que podes conseguir a certificación oficial no nivel B1, necesario para os teus estudos posteriores.
Só poderás presentarte a unha única convocatoria anual, se estás interesado nesta opción consulta toda a información nos seguintes enlaces:

• Información xeral
• Documentación que tes que presentar na secretaria da EOI
• Taxas
• Páxina da EOI con toda a información, incluido o modelo dos exames por nivel.

Animádevos agora que tedes fresco o idioma, e unha certificación oficial é moi importante para o voso futuro. Xa sabedes que si precisades calquera aclaración axúdovos encantada.

DELF SCOLAIRE: DIPLOMA DE ESTUDOS EN LINGUA FRANCESA

Que é?
Trátase da posibilidade de obter un diploma que te permitirá unha mobilidade internacional, xa que si o posúes certificas ou nivel B1 ou o B2 (co que poderás obter unha bolsa Erasmus).
Avaliarante de 4 destrezas lingüísticas (o de sempre): comprensión e expresión escritas e comprensión e expresión oral.

Requisitos:
Poderás presentarte se estás matriculado nun centro público de ensino secundario de Galicia, e estudes francés como 1ª  ou 2ª lingua estranxeira.

Lugar:
As probas realizaranse en 6 centros de Galicia.