NOVIDADES NA OFERTA DO SUG PARA O 2020/2021

Como principais novidades, o Sistema Universitario de Galicia (SUG) incorporará o vindeiro curso tres novos títulos de grao e os seus tres primeiros graos abertos. En total ofertaranse 11.483 prazas en titulacións de grao (143 máis ca no actual curso) e 5.151 nas de máster (20 máis ca este ano académico).


Tres novos títulos de grao: graos en Empresa e Tecnoloxía (Universidade de Santiago de Compostela, Campus de Lugo, 45 prazas), en Bioquímica (Universidade de Santiago de Compostela, Campus de Lugo, 45 prazas) e en Nanociencia e Nanotecnoloxía (Universidade da Coruña, Campus da Coruña, 50 prazas).
Ofertaranse graos abertos: en concreto o de Ciencias Sociais e Xurídicas (Universidade da Coruña, Campus da Coruña, 10 prazas), o de Enxeñaría Industrial (Universidade da Coruña, Campus de Ferrol, 8 prazas) e o grao aberto 5USC Enxeñarías (Universidade de Santiago de Compostela, Campus de Lugo, 10 prazas). Son graos que combinan materias de, como mínimo, tres graos da mesma rama de coñecemento, e o número de prazas máximo que poden ofertar é 25.
Catro novos programas de simultaneidade de grao: ADE e Enxeñaría Informática (Campus de Ourense), Enxeñaría Biomédica e Enxeñaría Electrónica Industrial e Automática (Campus de Vigo), Enxeñaría Biomédica e Enxeñaría Mecánica (Campus de Vigo) e Enxeñaría Mecánica e Enxeñaría Electrónica Industrial e Automática (Campus de Vigo).
6 novas titulacións de máster: en concreto en Dereito Dixital e da Intelixencia Artificial (UDC, Campus da Coruña), en Dirección e Innovación da Supply Chain (UVigo, Campus de Vigo), en Industria 4.0 (UVigo, Campus de Vigo), en Informática Industrial e Robótica (UDC, Campus da Coruña), en Nanociencia e Nanotecnoloxía (USC-UVigo, nos campus de Santiago de Compostela e de Vigo) e en Visión por Computador (USC-UDC-UVigo, nos campus de Santiago, A Coruña e Vigo).
Dous graos xa existentes aumentan a súa oferta: o de Logopedia, no Campus da Coruña, con 5 prazas máis; e o de Enxeñaría Informática, no Campus de Ourense, con 15 prazas máis.
Outras titulacións de grao diminúen a súa oferta debido á sobreoferta estrutural no sistema universitario. Trátase de Relacións Laborais e Recursos Humanos (Campus da Coruña, 5 prazas menos), Enxeñaría Eléctrica (Campus de Ferrol, 5 prazas menos), ADE (Campus de Lugo, 10 prazas menos), e Paisaxe (Campus de Lugo, 5 prazas menos). Ademais, a Escola de Enxeñaría Industrial da UVigo aposta por axustar a oferta dos seus graos ao múltiplo de 10, o que supón unha diminución de 13 prazas no seu conxunto.
O Máster en Enxeñaría Aeronáutica non se implantará para o curso vindeiro.
Graos abertos: