GUIA DE ESTUDOS SUPERIORES DE GALICIA 2021-2022

 

PROBAS DE ACCESO A CICLOS FORMATIVOS 2021

Está xa publicada a convocatoria das probas de acceso a ciclos.

Poderán presentarse a CM as/os que non cumpran os requisitos académicos e teñan 17 anos ou os fagan neste ano. Poderán presentarse a CS as/os que non cumpran os requisitos académicos e teñan 19 anos ou os fagan no ano da proba.

OS GRAOS E CICLOS CON MAIS SAÍDAS DESPOIS DO CORONAVIRUS

 

TRABALLADOR/A SOCIAL OU EDUCADOR/A SOCIAL?

Ola Manuel, despois de mirar aquí e aló, hai poucas diferencias, o/a traballador/a social actúa mais con burocracia,  deseña, aplica e avalía plans de intervención na exclusión social, na prevención, na articulación de recursos, derivacións a outras institucións, asesoramento, investigación entre outros. O/a educador/a social ten mais trato coas persoas, educando e intervindo tamén a través de programas en problemas de habilidades sociais, ocio, en xeral na mellora das condicións de vida de diversos colectivos que precisan axuda.Consulta o que nos indica a Guía de estudos superiores de Galicia: Educación social e Traballo social.

PREINSCRICIÓN E MATRÍCULA NO SUG 2021

 

DELF ESCOLAR 2021

Son diplomas oficiais de lingua francesa, recoñecidos internacionalmente por 174 países, de validez indefinida, que podes obter presentándote e superando unhas probas de nivel que poden ser A2, B1 e B2 do Marco Común Europeo de Referencia para as Linguas (MCERL). Accede á convocatoria.

As certificacións DELF favorecen a mobilidade estudantil internacional ao certificar o coñecemento en lingua francesa.

Poderás matricularte desde o 3 de febreiro ao 26 do mesmo mes.

Video instrucións ABAU 2021

 

PROTOCOLO ABAU 2021

O alumnado deberá estar presente ás 9:00h e acudir despois puntualmente aos exames.

Aqueles/as que só se presenten á parte voluntaria, sempre que estean matriculados/as correctamente, poderán acudir de modo directo aos exames correspondentes.

Os/as alumnos/as que detecten erros na súa matrícula deberán comunicalo ao presidente/a da comisión delegada no momento da presentación, mediante solicitude no formulario que se lle facilitará. Despois da presentación non se permitirán mais cambios nas materias. Se un/unha alumno/a se examina dunha materia distinta das que figuran na súa matrícula, o exame quedará anulado.

ENXEÑARÍA INDUSTRIAL, UN ARTIGO DA VOZ

Hai 9 graos en Galicia vinculados a esta disciplina, pode que no curso vindeiro o noso alumnado poida facer tamén unha enxeñaría de automoción, impartirase en Vigo. Si queres informarte das catro grandes ramas da enxeñaría industrial lé este artigo da prensa.

Grazas Maica

PILOTO/A DE AVIACIÓN EN ADVENTIA

Adventia é unha escola aeronáutica, un centro adscrito á universidade de Salamanca, pero é privado, polo que teredes que pagar unha pasta, 136.000 euros en 4 anos, por ano 34.000 pero según din pódese financiar a través dun banco (BBVA ou outro). Aquí encárganse da formación de pilotos/as civiles pero tamen poderás facer alí un curso de tripulante de cabina de pasaxeiros, un curso de piloto de drones e de RPAS.

ENQUISA A YERAI E FRAN CABANAS

O día 15 de decembro visitaron o noso centro Yerai e Fran, dous exalumnos que están estudando ou preparandose para acceder ao corpo de bombeiros/as e piloto de aviación. Polos problemas da non presencialidade e coa inmensa axuda recibida de Jaime e César, ao final poideron responder ás cuestións que o alumnado de 4º ESO tiña preparadas, por videoconferencia claro, eles desde un despacho e o alumnado na súa clase coordinados polas titoras e titores.

Grazas por vir e moita sorte co voso proxecto!!!

UN ARTIGO DO PAÍS

Cando comeza a ser rentable estudiar bacharelato? Os datos de inserción laboral e salarios dos titulados en Bac 5 anos despois de rematar, parecen alarmantes, a súa taxa de paro é 6 puntos superior a das persoas que rematan un grao medio. Lé o artigo 

SE QUERES FACER UNHA FPB

Terás que ser proposto/a polos teus profesores/as, ter o consentimento da túa familia, facer 15 ou 6 no ano de inicio e ter cursado 3º de ESO ou excepcionalmente 2º.

Terás que cubrir unha solicitude (anexo I) e presentala no centro no que queiras ser admitido/a, coa copia do DNI e o anexo IV. Tes de prazo ata o 11 de setembro.

Consulta a oferta e ponte en contacto coa túa orientadora.

GUIA DE ESTUDOS SUPERIORES DE GALIZA

Accede a un buscador do xornal La Voz de Galicia para descubrir o que podes estudar no remate do bacharelato. 
Canto tempo conservaré a nota de selectividade? Ata cando poderei continuar nunha listaxe de espera? A CIUG responde.

REPASAMOS A SOLICITUDE DE PRAZAS NO SUG

Seguro que xa tes feita a túa solicitude de preinscrición de prazas no SUG por orde de prioridade, recorda que aquí en Galiza o prazo remata o 28 de xullo. A partir de agora terás que esperar que te den unha praza no grao desexado, todo se consulta na aplicación Nerta. Si apareces convocado para matricularte no grao que solicitas en primeiro lugar, matricúlate, si apareces convocada para outro grao que non sexa a primeira preferencia podes esperar a que te den algo mellor en sucesivas convocatorias, en tanto non se peche a matrícula nas titulacións solicitadas con maior preferencia, pero deberás confirmar a través do NERTA que te interesa seguir nas listaxes, se non o fas decaen os teus dereitos. Sigue lendo si queres repasalo.

OFERTA DE CICLOS FORMATIVOS PARA O CURSO 20-21

Consulta os ciclos autorizados para o vindeiro curso. Recorda que as persoas que accedan a un ciclo medio que cursasen a educación secundaria obrigatoria, para o cálcula da nota de acceso, será a puntuación obtida como media aritmética das cualificacións logradas nas áreas, nas materias e nos ámbitos de 4º, agás relixión, expresada con dúas cifras decimais. En adultos só se terán en conta as notas obtidas nos tres ámbitos de coñecemento. 

XORNADAS DE PORTAS ABERTAS VIRTUAIS NA UDC

Os vindeiros martes 14 e mércores 15 de xullo, celebraranse as Xornadas de portas abertas virtuais, poderedes coñecer por dentro a Universidade de A Coruña: 4º graos, 7 programas de simultaneidade, 2 graos abertos e o grao de nanociencia de nova implantación. https://www.udc.es/futuros_estudantes/portas_abertas/E na aplicación móvil UDC.gal para Android e para IOS

 

• 
  
  
  

ADMISIÓN Á FP 2020-2021

Xa está aberto o plazo para solicitar ciclos (medios e superiores, os básicos en setembro), tes ata o 8 de xullo. É moi importante ter as túas preferencias claras, fai unha listaxe dos ciclos que te interesan ordeados de maior a menor preferencia. 

OFERTA DE CICLOS NO CIFP FERROLTERRA

Deixovos a oferta de ciclos formativos do CIFP Ferrolterra por si vos interesa: ciclos de grao medio e superior de sete familias profesionais, madeira moble e cortiza, servizos socioculturais e á comunidade, electricidade electrónica entre outros...pero terás que estudar en Ferrol.

XORNADA DE PORTAS ABERTA NA UVIGO

Dende a Escola de Enxeñaría de Minas e Enerxía, organizan a Xornada de Portas Abertas Virtual (a Energy Virtual) o próximo día 25 de xuño dende as 12 horas ata as 13 horas.

O obxectivo é mostrar aos rapaces e rapazas de secundaria as posibilidades e saídas profesionais que teñen os nosos graos: Grao en Enxeñaría da Enerxía e Grao en Enxeñaría dos Recursos Mineiros e Enerxéticos.